أجسام هالكه

قصة "أجسام هالكه" 😳

انا اسمي مدحت وشغال في شركه شحن اكل ولبس بضاعه وكنت وصلت بضاعه لمدينه غريبه فاطراف مصر مشغلتش بالي انا كل اللي عليا اني اوصل البضاعه واخد فلوسها وصاحبها يمضي بأنو استلمها المهم انا روحت المدينه دي كانت صغيره تحس انها قريه البيوت كأنها قديمه شويه والناس اللي هناك اغلبهم جزارين انا استغربت بس قولت عادي فروحت سلمت البضاعه كانت رايحه لكبير الجزارين وهو بيمضي علي وصل الاستلام لقيته مبلغ كبير جدا عشان مع ان اللحمه مكنتش كبيره بنفس المبلغ انا اندهشت الصراحه ومكلمتوش فحاجه بعدها لقيت الكل بيبصلي بصات غريبه كنت حاسس كأنهم جعانين ولا حاجه.......

بس مديتلهمش اهتمام فالمهم وانا مروح لقيت العربيه اللي انا شغال عليها العجل بتاعها فضي من الهوا انا قعدت ادور ع ميكانيكي الصراحه ملقتش وبعدين لقيت واحد قالي تعالي اقعد معايا انا ومراتي ف الشقه بتاعتنا ع ما تتصل بالشركه تعالي اقعد معانا الصراحه كانوا ناس كريمه جدا قعدوا يأكلوني لحمه وحجات كتير بس اللي لفت انتباهي اكتر اللحمه عمري مادوقت فحياتي حاجه زيها كانت احسن لحمه اعتقد لقيت الشركه بتقول انها هتبعتلي واحد عشان يجي ياخدني بس علي بكرا يعني المفروض اني استني يوم كمان ف المدينه دي هي مكنتش وحشه خالص بالعكس انا كنت مبسوط هناك ف الراجل قالي روح يابني نام علي ما يجي صاحبك ياخدك.......

وانا بالفعل نمت بعد ما كلت اكل كتير جدا بعدها وانا نايم سمعتهم بيتكلموا قولت اسيبهم براحتهم بعدها لقيتهم عند باب اوضتي وبيقولو هو نام لقيت مراته بتقول تعالي نشوف كدا وبعدها خبطوا انا الصراحه عملت نفسي نايم عشان اعرف هم عاوزين ايه بعدها لقيتهم بيمسكوني كدا وبيقولوا هنسيبوا شويه لما يتخن وبعدها مشيوا انا اتخضيت قولت ايه دا هم عاوزين مني ايه يتخن ايه شكلهم هيقتلوني وانا من القلق منيمتش فضلت صاحي طول الليل بعدها لقيتهم جايبنلي الاكل لحد باب الاوضه وبيقولولي كل قولتلهم اكل ايه مش كفايه اللي قدمتوه امبارح انا لسه شبعت مش عاوز اكل وعاوز اخرج من هنا ومفيش شباك ولا اي مخرج وباب الاوضه بيقفلوه بالترباس شكلهم حابسني قولتلهم عاوز اروح الحمام استغربوا وقالولي ماشي ببص لاقيت شباك والاقي انه مقفول بحديد شبه شبابيك السجن كدا انا مش عارف اعمل ايه ببص ع قضبان الحديد لقيت انها فيها نقط دم كدا ودا زاد من قلقي قولت اعمل ايه انا ايه اللي خلاني اجي هنا وبعدين انا خرجت من الحمام........

فببص ف المطبخ لقيت عضم استغربت مكنش عضم اي حيوان انا عارف العضم ده ولقيت ان العضم دا عضم ايد صوابع وكف انا اترعب بجد ولقيتهم جم وقالولي بتعمل ايه هنا قولتلهم لا عادي اصل ريحه الاكل بتاعكم لفتت انتباهي يعني قالولي اه تحنا بنجيب اللحم دا من افضل انواع الحيوانات قولتلهم ايه العضم ده قالولي وشكلهم مستغربين هه دي عظام الجمال والخرفان وبعدها قالولي اكلك جهز لازم تروح تاكل ف روحت عشان اكل لقيت فطار عادي وبعدها قالولي بعد اذنك ...سيبتهم يتكلمو وانا بحاول اسمعهم لقيتهم بيقولوا هو اكيد شاف الايد الخوف من انه يكون عاوز يهرب ويتعبنا انا قولت في نفسي اكيد الناس دي مخبيه حاجه ومش عاوزين يقولوها وبعدها جم وقالولي ايه رأيك ف الاكل الصراحه الاكل كان حلو عمري ما دوقت حاجه زيه بعدها علي العصر لقيت صاحبي جيه عشان ياخدني وقولتله عربيتي العجل بتاعها فضي وبعدين قالي فين العربيه قولتلوا تعالي وانا اوريهالك ف الراجل قالنا تعالوا اتغدوا فا المهم صحبي قالي تعالي ناكل وبعدين نشوف العربيه ونمشي.......

قولتلوا اسكت ياعم الناس دي وراهم موضوع كبير قالي تعالي ناكل بس قبل مانمشي المهم روحنا ناكل لقيناهم جايبين بردو لحمه دا زاد اسألتي ازاي ف الغلاء دا والناس دي بتاكل لحمه بالكميات دي ومعندهمش مشكله في الفلوس ولا حاجه وكميه اللحمه كبيره فالمهم احنا اكلنا وماشين لقيناهم وبيقولولي ماتقعد معانا كمان يوم احنا استريحنالك انا ما كنتش موافق خالص بس صاحبي قالي دا هي ليله وخلاص فالمهم احنا قعدنا وروحت في النوم بعدها علي الفجر كدا انا صحيت علي صوت حد بيصرخ بس الصوت دا مش مسموع قوي فانا قولت اشوف الصوت دا جي منين......

لقيته جاي تحت الشقه وانا نازل لقيت اثار لدم وقولت انزل اشوف ايه دا لقيت العيله دي مخبيه اوضه تحت الشقه ومصدر الصوت جي منها قولت اشوف ايه دا لقتهم بيقتولوا واحد وفرحانين قوي وعلي بقهم دم ولقيت في ناس محبوسه برضو انا اترعبت وكان هيغمي عليا من المنظر والريحه وقولت ايه دا هما الناس دول بياكلوهم ولا ايه وفعلا الناس دي كانوا بياكلوهم انا قولت انا لازم اهرب من المكان دا فا وانا جاي بهرب سمعوا صوتي وانا بجري لقتهم بيفتحوا الباب ويشوفوا مين اللي برا انا اتخضيت وطلعت اجري ع السلم عشان اللحق نفسي ومحدش يشوفني طلعت جري ع السلم ودخلت الاوضه بتاعي جنب صاحبي وعملت نفسي نايم وانا مرعوب ومش قادر امسك نفسي من التوتر اللي انا فيه لقتهم دخلوا الاوضه........

وبيقولوا شكلهم نايمين بس احنا لازم نتأكد الاول راحوا قعدوا يندهوا علينا انا مردتش طبعا وصاحبي اصلآ نومه تقيل ومردش هو كمان وبعدها مشيوا انا حمدت ربنا وقولت اننا لازم نمشي ونهرب بسرعه قبل مايعملوا معانا نفس اللي بيعملوه مع الناس دي وصحيت صاحبي قولتلوا علي كل حاجه واننا لازم نمشي هو ف الاول مصدقنيش ف الاول وبعدها وريتوا دم ع الارض والعضم البشري وكل حاجه فهو ف الاخر صدقني بعدها قولنا اننا لازم نمشي ونهرب من هنا وجرينا علي باب لقيناهم شافونا وسمعونا قالولنا مش هتهربوا انتو خلاص هيتم اثركم هنا حاولنا اننا نضربهم ونهرب معرفناش ورشوا في وشنا حاجه خليتنا مش حاسين بأي حاجه وصحيت لقيت نفسي في نفس الاوضه اللي كان فيها الناس اللي دبحوهوم وقطعوا لحمهم وبعدي سمعوا ان في حد بيخبط علي باب الشقه فراحو عشان يشوفوا مين اللي بيخبط فانا حاولت عشان اهرب بس هما كانوا رابطنا بسلاسل..ياربي ايه الحل دلوقتي........

ومعرفناش نهرب بس صاحبي كان معاه مفك عشان هو ميكانيكي اصلا وقدر انه يفك السلاسل بتاعته وفك السلاسل بتاعي سمعنا صوت صريخ جامد اوي طالع من الشقه الظاهر كده انهم قتلوا اللي كان علي الباب فاحنا خرجنا باقصي سرعه وضربناهم بحديد لقيناهم اغمي عليهم واحنا طالعين نجري لقينا الراجل اللي كان بيصرخ لسه عايش مامتش هما ضربوه بالسكينه فأيدوا وفي رجله عشان ميعرفش يتحرك والراجل دا جي هو كمان تبع الشركه اللي انا شغال فيها ايوه اناا عارف الراجل ده وصاحبي قالي يالا نهرب احنا ونسيبوا عشان يتلهوا فيه واحنا نلاقي وقت نهرب انا قولتلوا لا مش هعمل كدا مستحيل بعدها شيلت الراجل وصاحبي دا طلع يجري عشان يلحق نفسه وسابني انا ف انا خدت بالي انه نسي الادوات بتاعه ومقلتلوش وفجأه سمعت وانا شايل صاحبي دا صوت صريخ جامد جي من نفس الاتجاه الي هرب منه صاحبي.....

انا قولت خلاص هو مات كدا طلعت اجري ع العربيه وانا مش قادر وانا شايل الراجل دا وبعدها كنا قربنا نوصل للعربيه فجأه لقيت الراجل ومراته لقيتهم ورانا وبيقولنا مش هنسيبكوا انتو هتتدبحوا بصوت مرعب جدا لقيت الراجل بيقولي وهو بيعيط سيبني واهرب انت بس خلي بالك من مراتي انا قولتلوا متخفش قربنا نوصل بعدها لقيتوا قالي اهرب انت ورمي نفسه هم جريوا عليه واكلوه انا طلعت اجري بكل قوتي فجأه لقيت الراجلبيحري ورايا وبيقولي مش هتهرب مني انا مش مستحمل اصلا الموقف بعدها استخبيت منه تحت العربيه وهو ماشفنيش عشان كنا بالليل جدا والدنيا كلها ضلمه.......

طبعا وانا كنت شايفه وهو ماشفنيش بعدها لقيتوا قال بصوت عالي وكله غضب مش هتهرب مني بعدها مشي عشان يلحق الراجل اللي انا كنت شايله ورميته بعدها قومت ع طول ونفخت العجل بالمنفاخ اللي كان مع صاحبي الميكانيكي ونفجت العجل بأقصي سرعه وركبتها فجأه لقيت المدينه كلها سمعت صوت العربيه العالي وبدأو يزعقوا ويندهوا لبعض وبدأو يجروا ورايا انا طلعت اجري بالعربيه وبعدين وانا ماشي بالعربيه ومشغل النور بتاعها لقيتهم شالوا دماغ صاحبي من جسموا وبدأوا يطلعوا احشاءه برا والدم بيخرج المنظر مرعب جدا انا فضلت اعيط عشانه وجريت بالعربيه بأقصي سرعه زي المجنون لحد ما قدرت اخرج من المدينه الملعونه دي واوصل للشركه.......

وكنت مضطرب لدرجه اني مش عارف انطق وانا بتكلم بقول اااا االل حححق وووننني قتلوا صاحبي الميكانيكي وقتلوا اللي بعتوه بردو هما طبعا مصدقوش قلتلهم تعالوا معايا بس جيبوا الشرطه قالوا تمام وروحنا تاني يوم الصبح كده طبعا شرطه لقيت دم علي الارض وحيطان البيوت فاصدقوني وبدأو يهجموا علي بيوت ويولعوا فيها الشرطه انتصرت بحمد الله وعذبوا الناس دول بالحرق لحد الموت وتم القضاء علي المدينه دي وبعد ما خلصنا مانسيتش كلمه الراجل خلي بالك من مراتي ..وبالفعل نفذت كلامه وعيشت احميها وسنه ورا سنه لحد ما حبيتها واتجوزتها ......
(النهايه)
قولو رأيكم في القصه